Yaadein

Zindagi theherti gayi, taarikhen badalti gayi,

Teri kami teri yaado se bharti gayi,

Dil ko mehsus hua, har dhalti shaam me,

Hamare darmiyaan khamosh dooriyaan badhti gayi,

Zindagi theherti gayi, taarikhen badalti gayi...

Aankhen har aahat par tera intezaar karti rahi,

Teri awaaz naa hone ki kami khalti rahi,

Tere dhundle aks ki tarah ye chahat palti rahi,

Naa chhoda baaton ka daaman, Naa umeed hi gayi...

Zindgi thehrti gayi... taarikhen badalti gayi...

Teri kami teri yaadon se bharti gayi...